ឃ្លាំងគំនិត

៦ជំហានឈានទៅបង្កើតអាជីវកម្មហាងកាហ្វេ

បានផ្សាយនៅ 24 ខែមេសា 2013 ដោយ ឃ្លាំងគំនិត

មនុស្សភាគច្រើនតែងមានក្ដីស្រមៃថាចង់មានអាជីវកម្មខ្លួនឯង ជាជាងការធ្វើការឲ្យអ្នកដទៃ ។ ក្នុងចំណោមអាជីវកម្មជាច្រើន អាជីវកម្មហាងកាហ្វេកំពុងទទួលការចាប់អារម្មណ៍ពីសំណាក់សហគ្រិនបច្ចុប្បន្ន។ ហេតុដូចនេះ Sabay សូមលើកយកចំណុចមួយចំនួនដែលអាចជួយដល់ប្រិយមិត្តជាបច្ច័យក្នុងការបើកដំណើរការអាជីវកម្មប្រភេទនេះ។

១. កំណត់ប្រភេទហាងកាហ្វេដែលអ្នកចង់បើក
កំណត់ទំហំទឹកប្រាក់ដែលអ្នកមានលទ្ធភាពបើក។ សួរខ្លួនឯងថា តើអ្នកចង់សេងហេងកាហ្វេដែលមានស្រាប់ ទិញស្លាកយីហោ (Brand) ហាងកាហ្វេល្បី ឬចង់ចាប់ផ្ដើមហាងកាហ្វេថ្មីសន្លាងដោយខ្លួនផ្ទាល់? ទន្ទឹមគ្នានេះ អ្នកក៏ត្រូវគិតផងដែរថា តើអ្នកចង់ជួលបុគ្គលិក ឬចាប់ផ្ដើមធ្វើជាថៅកែ និងកូនឈ្នួលដោយខ្លួនឯង។

២. ស្វែងយល់ពីមុខជំនួញនេះជាមុន
អ្នកអាចសាកល្បងសុំធ្វើការងារជាអ្នកឆុងកាហ្វេ និងភេសជ្ជៈនៅហាងកាហ្វេជោគជ័យណា មួយដើម្បីអាចឲ្យអ្នកអាចសិក្សាស្វែងយល់ពី របៀបឆុងកាហ្វេ ឬលាយភេសជ្ជៈដទៃ។ ស្របគ្នានេះដែរអ្នកអាចសង្កេតមើលពីដំណើរការអាជីវកម្មទាំងមូលការគ្រប់គ្រងនិងស្រូបទាញអតិថិជនពីអ្នកគ្រប់គ្រងរបស់អ្នក។

៣. បង្កើតគម្រោងផែនការ
ចំណុចទី ៣ ដែលអ្នកត្រូវធ្វើគឺ បង្កើតគម្រោងផែនការអាជីវកម្មដែលបរិយាយពីតម្លៃជាវផលិតផល បរិក្ខារផលិត ការទិញអាជ្ញាប័ណ្ណ និងសម្ភារៈប្រើប្រាស់នានាដែលអ្នកត្រូវការក្នុងការបង្កើតអាជីវកម្មនេះ។

៤. ជ្រើសរើសទីតាំង
បន្ទាប់ពីសរសេរផែនការហើយ អ្នកត្រូវកំណត់ទីតាំងដែលចង់បង្កើតជំនួញ។ ទីតាំងនៃជំនួញត្រូវឲ្យសមទៅនឹងប្រភេទអតិថិជនដែលអ្នកចង់បាន។ ទីតាំងដ៏ល្អគួរស្វែងរកកន្លែងដែលសម្បូរមនុស្សធ្វើដំណើរឆ្លងកាត់ និងមានកន្លែងចតយានជំនិះងាយស្រួល។

៥. ផ្សព្វផ្សាយ
ដើម្បីឲ្យអតិថិជនរបស់អ្នកបានដឹងថា ពីអាជីវកម្មថ្មីរបស់អ្នកត្រូវធ្វើការផ្សព្វផ្សាយ ។ ការផ្សព្វផ្សាយអាចធ្វើឡើងក្រោមរូបភាពផ្សេងៗគ្នាទៅតាមទំហំថវិការបស់អ្នកដូចជា តាមរយៈកាសែត ទស្សនាវដ្ដី វិទ្យុ ខិត្តប័ណ្ណ ឬបណ្ដាញសង្គមដូចជា Facebook Ads ជាដើម។ ស្របគ្នានេះដែរ នៅដំណាក់កាលដំបូងអ្នកអាចបង្កើតប្រូម៉ូសិនថ្មីៗដូចជា ញ៉ាំ ៥ ដង ថែមជូន ១ ដងដោយឥតគិតថ្លៃ ឬអាចជាការផ្ដល់ជូនគូប៉ុងថ្លៃអាហារ ឬប័ណ្ណបញ្ចុះតម្លៃជាដើម។

៦. ទំនាក់ទំនងជាមួយបណ្ដាក្រុមហ៊ុននានា
ជំហានដំបូងក្នុងការជួយឲ្យអាជីវកម្ម កាហ្វេរបស់អ្នកដំណើរការគឺ ការបង្កើតបណ្ដាញអតិ ថិជន។អ្នកអាចទាក់ទងក្រុមហ៊ុន ឬស្ថាប័នណាដែលត្រូវការកាហ្វេរបស់អ្នក ។ អ្នកអាចចរចាជា មួយក្រុមហ៊ុនទាំងនោះក្នុងតម្លៃពិសេសណាមួយឬផ្ដល់ជូនសេវាកម្មដឹកយកដល់កន្លែងជាដើម ។

ក្រៅពីចំណុចទាំង ៦ ខាងលើ តើមិត្តអ្នកអានមានអ្វីចង់បន្ថែមដែរឬទេ?

ប្រែសម្រួល៖ Zac
ប្រភព៖ ehow

បានផ្សាយក្នុង ចំណេះដឹងទូទៅ | បញ្ចេញមតិ

ចេញមុខដោះស្រាយបំណុល ព្រោះជាបង្គោលគ្រួសារ

បានផ្សាយនៅ 6 ខែមេសា 2013 ដោយ ឃ្លាំងគំនិត

ខាងក្រោមនេះគឺជារឿងរ៉ាវរបស់យុវជនមួយរូប ដែលបានរៀបរាប់ពីការទទួលខុសត្រូវរបស់ខ្លួន ចំពោះអ្នកមានគុណទាំងពីរ និងបងប្អូនប្រុសស្រី ក្នុងនាមជាបង្គោលគ្រួសារ។ យុវជនរូបនេះបានតស៊ូ ជម្នះឧបសគ្គបន្តិចម្តងៗ ដើម្បីដោះស្រាយបញ្ហាបំណុលដ៏ច្រើនសន្ធឹកសន្ធាប់ ដែលគ្រួសារជំពាក់គេ។ តើយុវជនរូបនេះមានវិធីសាស្រ្តយ៉ាងណាដើម្បីដោះស្រាយបំណុលទាំងនោះ? សូមប្រិយមិត្តអាននូវខ្លឹមសារអត្ថបទរបស់យុវជន ដែលបានផ្ញើមកកាន់ sabay ផ្ទាល់ដូចតទៅ៖

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

ពីនិស្សិតទទួលបានអាហារូបករណ៍៥ដុល្លារមួយខែក្លាយជាម្ចាស់ក្រុមហ៊ុន

បានផ្សាយនៅ 6 ខែមេសា 2013 ដោយ ឃ្លាំងគំនិត

ប្រធានក្រុមហ៊ុន3V (Cambodia) មានអតីតកាល ជាក្មេងដែលមិនសូវជួបការលំបាកប៉ុន្មានទេ ប៉ុន្តែលោកតែងមានចិត្តអំណត់ប្រឹងប្រែងក្នុងការរៀនសូត្រ។ ទោះបីស្ថិតក្នុងកាលៈទេសៈណាក៏ដោយ ការខិតខំប្រឹងប្រែងរៀនសូត្របាន ធ្វើឲ្យលោកទទួលបានជោគជ័យ។

លោក វ៉ា វីរៈ កើតនៅថ្ងៃទី១ ខែមេសា ឆ្នាំ១៩៧២ នៅរាជធានីភ្នំពេញ មានឪពុកឈ្មោះ វ៉ា ម៉ៅ ជាមន្ត្រីអគ្គិសនីកម្ពុជា និងអ្នកម្ដាយឈ្មោះ តូច សុខឃាង។ លោកជាកូនទី៣ ក្នុងចំណោមបងប្អូន៣នាក់។

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

ទម្លាប់អាក្រក់របស់យុវតី

បានផ្សាយនៅ 21 ខែមីនា 2013 ដោយ ឃ្លាំងគំនិត

មនុស្សស្រីគឺជាអ្វីៗទាំងអស់។ស្អាតបំផុតគឺជាមនុស្សស្រីហើយអាក្រក់បំផុតក៏ជាមនុស្សស្រី ដែរជាការពិតណាស់ ពាក្យមួយឃ្លានេះត្រូវណាស់ ត្រូវការគិតពិចារណាច្រើនមែន! ចូរកុំអាលទាន់និយាយដល់អ្វីដែលស្អាតសុំនិយាយតែអំពីទម្លាប់អាក្រក់រប់សមនុស្សស្រី ដើម្បីបងប្អូនយុវតីឆ្លុះបញ្ចាំងមើលជាមុនសិន។ ទម្លាប់អាក្រក់ទាំងនោះមានដូចជា៖

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

មើលចរិតមនុស្សតាមរយៈប្រភេទភ្នែក

បានផ្សាយនៅ 21 ខែមីនា 2013 ដោយ ឃ្លាំងគំនិត

រូបរាងកាយរបស់មនុស្សគ្រប់រូបតែងតែមានទំនាក់ទំនងជាមួយគ្នាទៅវិញទៅមក ។ ដោយឡែកពេលនេះ ផបហ្សូន អាស៊ីសូមធ្វើការបង្ហាញជូនដល់ប្រិយមិត្តទាំងអស់ថា លក្ខណៈរបស់ភ្នែកអាចធ្វើការបង្ហាញថា មនុស្សនោះមានចរិតបែបណា មានចំណូលចិត្តធ្វើអ្វី ។ សូមរីករាយជា មួយអត្ថបទខាងក្រោមនេះ៖

បន្តការអាន →

បានផ្សាយក្នុង ចំណេះដឹងទូទៅ | 1 មតិ

ឥរិយាបថគេងអាចឱ្យយើងដឹងពីអត្តចរិតរបស់មនុស្ស

បានផ្សាយនៅ 21 ខែមីនា 2013 ដោយ ឃ្លាំងគំនិត

មនុស្សយើងម្នាក់ៗ តែងតែគេងទៅតាមទម្លាប់របស់យើងម្នាក់ៗជាប្រចាំថ្ងៃ នឹងភាពងាយ ស្រួលរបស់បុគ្គលម្នាក់ៗ ។ ហើយទម្លាប់ទាំងនោះវាអាចបង្ហាញពីចរិតរបស់មនុស្សម្នាក់ៗបាន ផងដែរ ។ដើម្បីផ្តល់ភាពងាយស្រួលនឹងអាចឱ្យបានសិក្សាពីបុគ្គលណាម្នាក់យើងគ្រាន់តែសង្កេត មើលពីឥរិយាបថ គេងរបស់បុគ្គលណាម្នាក់ប៉ុណ្ណោះ។
បន្តការអាន →

បានផ្សាយក្នុង ចំណេះដឹងទូទៅ | 2 មតិ

មើលចិត្តមនុស្សពីកំរិតស្នេហារបស់អ្នកពេលណាត់ជួបគ្នាគ្រាលើកដំបូង

បានផ្សាយនៅ 21 ខែមីនា 2013 ដោយ ឃ្លាំងគំនិត

មានស្នេហាជាច្រើនដែលពួកគេបានស្រឡាញ់គ្នា ប៉ុន្តែគេបែជាមិនហានមើលមុខគ្នាទៅវិញ។ គ្រប់ពាក្យស្នេហាដែលពួកគេនិយាយគឺពួកគេគ្រាន់តែនិយាយតាមទូរសព្ទតែប៉ុណ្ណោះ ដែលពួកគេមិនបានដឹងថាគេជាមនុស្សបែបណា ព្រោះការដែលយើងទាក់ទងគ្នាដោយមិនបានឃើញ ពីកាយវិការរបស់គេ យើងមិនអាចដឹងថាគេជាមនុស្សប្រភេទណានោះទេ។ ហេតុ ហើយបានជាផបហ្សូន អាស៊ីចង់បង្ហាញជូនសុភាពនារី ក៏ដូចជាសុភាពបុរសទាំងឡាយ នៅពេលដែលយើងណាត់ជួបគេជាលើកដំបូង ត្រូវសង្កេតមើលឱ្យបានច្បាស់លាស់ ។ ខាងក្រោមនេះជាចំណុចខ្លះដែលផបហ្សូនអាស៊ីបង្ហាញពីចរិតរបស់មនុស្សដែលណាត់ជួបគ្នាជាលើកដំបូង

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

យកជញ្ជាំងស្ពានបង្រៀនអក្សរដល់ក្មេង

បានផ្សាយនៅ 5 ខែមីនា 2013 ដោយ ឃ្លាំងគំនិត

ក្រោមស្ពានដ៏ល្ហល្ហេវដែលមានគ្រប់គ្នាយកគ្រាន់ធ្វើជាដំបូលគេចពីខ្យល់ ភ្លៀង និងកម្ដៅថ្ងៃ បុរសម្នាក់បែរជាកែប្រែ ទីនោះឲ្យទៅជាថ្នាក់រៀន បើកបង្រៀនអក្សរ ដល់ ក្មេង ៗ ក្នុងតំបន់ក្រីក្រដែលគ្មានលទ្ធភាពចូលរៀននៅសាលារដ្ឋទៅវិញ។ នេះពិតជាដូចពាក្យដែលគេតែងនិយាយថាការសិក្សា គ្មានដែនកំណត់មែន។

បន្តការអាន →

បានផ្សាយក្នុង ទស្សនៈសង្ឝម | 1 មតិ

៦ ចំណុចក្នុងការបង្កើតបរិយាកាសក្រុមហ៊ុនដែលបុគ្គលិកចង់ធ្វើការ

បានផ្សាយនៅ 2 ខែមីនា 2013 ដោយ ឃ្លាំងគំនិត

ក្រុមហ៊ុនមួយអាចរីកចម្រើនទៅមុខបានដោយរលូនគឺ អាស្រ័យមានអ្នកដឹកនាំល្អ ចក្ខុវិស័យ និងគម្រោងច្បាស់លាស់ ជាពិសេសគឺ បុគ្គលិកដែលមានទេពកោសល្យ ។ ក្រុមហ៊ុនមួយដែលផ្លាស់ប្ដូរបុគ្គលិកញឹកញាប់រមែងមិនសូវជោគជ័យនោះទេ ពោលគឺ ខាតពេលវេលាបង្ហាត់បង្រៀនបុគ្គលិកពីការងារម្ដងហើយម្ដងទៀត។ ដូច្នេះ ដើម្បីរក្សាបុគ្គលិកល្អៗឲ្យធ្វើការឲ្យ មានគន្លឹះមួយចំនួនដែលនាយកក្រុមហ៊ុនអាចសាកល្បងធ្វើបាន ដើម្បីកែប្រែក្រុមហ៊ុនរបស់ខ្លួនឲ្យមានបរិយា កាសការងារដ៏ទាក់ទាញ៖

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

ផ្លូវនាំទៅរកជោគជ័យ!

បានផ្សាយនៅ 20 ខែកុម្ភៈ 2013 ដោយ ឃ្លាំងគំនិត

មនុស្សគ្រប់រូប កើតមកតែងប្រាថ្នាចង់ទទួលបានជោគជ័យក្នុងជីវិត។ ជោគជ័យដែលមនុស្សទូទៅសំដៅលើនោះ ភាគច្រើនជាសម្ភារៈ ប្រាក់កាស ផ្ទះសម្បែង និងឋានៈក្នុងសង្គមជាដើម ប៉ុន្តែ ការឲ្យនិយមន័យនៃពាក្យ “ជោគជ័យ” នេះខុសប្លែកពីមនុស្សម្នាក់ទៅមនុស្សម្នាក់ទៀតអាស្រ័យលើគោលបំណងរបស់ពួកគេ។ ឥឡូវនេះ Sabay សូមលើកយក ចំណុច ៣ យ៉ាង ដែលអាចជួយអ្នកឲ្យ ខិតកាន់តែកៀកជោគជ័យ មិនថាជាការងារណានោះទេ។

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

ដំបូន្មានពីបុគ្គលជោគជ័យ ៩ រូប

បានផ្សាយនៅ 20 ខែកុម្ភៈ 2013 ដោយ ឃ្លាំងគំនិត

ក្នុងការចាប់ផ្ដើមជំនួញមួយឲ្យបានជោគជ័យ មានកត្តាជាច្រើន ដែលត្រូវគិតដល់រួមមាន គម្រោងការស្រាវជ្រាវ និងថវិកាជាដើម។ ទន្ទឹមនឹងនោះ គំនិត និងដំបូន្មានល្អៗ ក៏ជាអ្វីដែលមិនអាចមើលរំលងបានដែរ។ហេតុដូចនេះ Sabay ចង់លើកយកដំបូន្មានពីបុគ្គលជោគជ័យមួយចំនួន មកចែកជូនប្រិយមិត្តបានក្រេបជញ្ជក់យកចំណេះដឹង។ ចង់ដឹងថា ជាអ្វីខ្លះសូមមើលរូបភាព និងការរៀបរាប់ខាងក្រោម។

បន្តការអាន →

បានផ្សាយក្នុង ចំណេះដឹងទូទៅ | បញ្ចេញមតិ

៥ចំណុចដើម្បីក្លាយជាមនុស្សឯករាជ្យ

បានផ្សាយនៅ 15 ខែកុម្ភៈ 2013 ដោយ ឃ្លាំងគំនិត

ពាក្យថាឯករាជ្យ មានអត្ថន័យខុសៗគ្នា ចំពោះមនុស្សផ្សេងៗគ្នា។ ឯករាជ្យ អាចជាការបន្តការងារអ្វីមួយ ដោយខ្លួនឯង បញ្ចប់សម្ពន្ធភាពជាមួយដៃគូ ឬក៏ការចេញទៅរស់នៅតែម្នាក់ឯង។ ទោះជាយ៉ាងណាក៏ដោយ ការដែលមានសេរីភាព ដោយមិនមានភាពភ័យខ្លាចលើឧបសគ្គណាមួយ អាចធ្វើឲ្យអ្នកក្លាយជាមនុស្សដ៏ឯករាជ្យម្នាក់។

បន្តការអាន →

បានផ្សាយក្នុង ទស្សនៈសង្ឝម | 2 មតិ